Right back yah again.

Yuh did seh yuh naw return,
But yuh lan' back yah again.
Yuh did swear di bridge yuh a burn,
Now yuh waan build it back again.
Odda places yuh did waan turn,
But yuh turn dis way again.
When is it yuh a go learn?
Neva say neva again.
Of course yuh look a way
Afta di way yuh did a flex.
Weh yuh really did expec'?
Which stunt yuh a go try pull nex?
Opportunities weh yuh get,
Yuh fi mek good use a dem.
But yuh squanda fi yuh own,
Salt yuhself, an' back yah so again.
Yuh did boasy bad enuh,
An' yuh ches' did well well high.
Yuh did a bounce an' a jig an' a step,
An' yuh nose did deh eena di sky.
Yuh did dish people dirt puddn
Right before yuh did seh ba-bye.
Now yuh a cotch 'pon dem yeye top,
An' yuh a nyam so-so humble pie.
So mek dat be a lesson to yuh,
Eena yuh ways be circumspec'.
Watch yuh speach, an' how yuh step,
Always show odda people respec'.
'Cause yuh nuh know which circumstance
Ah go deliva yuh to dem.
Yuh fly weh go a farin,
Get dip, and lan' right back yah again.

...

__________________
"Blessed are ye, when men shall revile you, and persecute you, and shall say all manner of evil against you falsely, for my sake." - Matthew 5 v11 KJV

Very waggish indeed.

__________________

That's why wherever you go, just behave. Never know what will happen.

__________________
"Blessed are ye, when men shall revile you, and persecute you, and shall say all manner of evil against you falsely, for my sake." - Matthew 5 v11 KJV

Very waggish indeed.